Digital Marketing Kya Hai?

Aaj Aap Janege Ki Digital Marketing Kya Hai? Aur Iske Kya Benefits Hain?

Sabse pehle mein aap sabhi mere hindi readers ko dhanyawad dena chata hun ki unhone mujhe inspire kiya ki mujhe hindi mein digital marketing ka blog aur videos bnani chaiye, isiliye is new inning mein aap sabhi ka support chata hun aur chata hun ki aapko jo bhi blog acha lage use share jarur karein. Aaiye samjhte hein ki digital marketing kya hai?

Digital medium ke dwara kisi product ya service ki marketing karna aur apni baat consumer tak pahuchana digital marketing kehlata hai. Iska mukhya udeshy(aim) brands ko digital media ke madhyam(medium) se promote karna mukya(main) lakshya hota hai.

Digital marketing ko aap keh sakte hein ki yah internet se ek kadam aage he kyunki isme kuch campaign ese chalte hein jisme internet ki jarurat nahi hoti jese SMS marketing.

Digital Marketing Mein Kya Kya hota Hai?

Pehle aap ye samjh lijye ki digital marketing ka use(istemal) hum apne customer ke sath engage karne mein, usko attract karne ke liye aur usko sale/business/revenue mein badalne ke liye istemal karte hein.

Iske Andar Niche Di Gayi Sabhi Activities Hoti Hain – Jese ki:

  1. SEO – Search Engine Optimization
  2. SEM – Search Engine Marketing
  3. SMM – Social Media Marketing
  4. Content Marketing
  5. Email Marketing
  6. Influencer Marketing
  7. SMS Marketing
  8. Analytics & Reports

Companies Digital Marketing Kyun Karti Hein?

Iske kuch important reasons is prakar hain:

1.  Aap Ek choti Jagah Se Apna Business Pure World Mein Pahuncha Sakte Hein.

Kyunki digital marketing ki help se aap apna business puri duniya mein kar sakte ho. iske liye aapke business ki online presence honi jarurui hai aur aapko digtal marketing aani chaiye. Isliye companies digital marketer apne yhaan hire karti hein jo unke liye digital marketing kar sake.

2.  Digital Marketing Cost Effective Hoti Hai.

Dusra reason yeh he ki digital marketing sasti padti he agar aap isko traditional marketing se compare karein. Jitne bhi small level ke business hote hein unke pass budget ki badi problem hoti hai aur unke pass itna budget nahi hota ke vo badi company ki tarah apna tv radio etc. par promotion kar sake to vo digital media ka benefit uthate hue apna business promote karte hein.

Ek survey ke anusar 2016 ke end tak 28% business india mein digital marketing ki taraf move kar chuke hein aur vo log tarditional marketing se jyada digital marketing par dhyan de rahe hein.

3. Kyunki Digital Marketing Se Jaldi Conversion Aate Hein.

Digital marketing ke dwara aap apni business ka conversion rate track kar sakte hein, Aap pata laga sakte hein ke order kahan se kisne kiya aur jo sabse bada fayda he ki sabse jaldi conversion aate hein.

Aaiye samjhte hein ki jaldi conversion aane se kya matlab hai, Agar aap ek shoe seller hein to generally aap stock laat hein aur dukan mein lagate hein fir kisi cutomer ke aane ka wait karte hein. Ho sakta he aapka koi shoe bikey ya nahi bikey par digital marketing mein esa nahi hota – aap apne prducts aur services ka promotion apni target audience ko karte hein aur aapke pass kuch time mein order aane shuru ho jate hein.

Yeh ek example dekar meine aapko samjhane ki kosish ki jaldi conevrsion kese aate hein.

4. Digital Marketing Se Acha Revenue Generate Hota Hai

Agar aap sahi se digital amrketing ki tricks use karte hein aur apne business ke according startegy bnate hein to aap ek acha revenue generate kar sakte hein.

Matlab aap kam lagat mein jyada munafa kama sakte hein agar aapka koi business he ya aap services provide karate hein digital marketing aapke liye jyada benficial hogi.

Aap agar local business karte hein to local SEO karein, SMS marketing kare , apna facebook page locally promote kare, Apne business page par offers dalein aur aap dekhiyega ki kese aapka business munafa kamana shuru karega.

5. Kyunki Digital Marketing Aapko targeted Audience Se Interact Karwati Hai.

Mein iske liye aapko ek example deta hun jisse aapka jaldi answer mil jayega. Aap maan lijiye ke aap school dress banate hein aur aap delhi mein business karte hein.

Jis school ki aap dress bnate hein vo school DPS hai , To aap kese apni target audience ko target karoge? – Aaiye samjahte hein:

Aap apni audience ko identify karoge k jo log DPS mein padhte hein to unke parents kaun he aur jo vhaan padhate hein vo teachers kaun hai ( Audience identify karne aur choose karne ke liye digital marketing tools hote hein jinko hum baad ke blogs mein padhenge)

Fir aap localilty ya demographic location choose karenge. Is tarah se aap un logo ko target kar paye jinke bache DPS school mein padhte hein aur jinhe dress ki jarurat hai,

Yeh example sirf aapko smjhane ke liyte diya gaya tha iske baad jo mein videos publish karunga usme aapko sabhi digital marketing tips and tricks detail mein samjhaunga.

Aap Digital Marketing Kese Sikh Sakte Hein?

Aap agar man bna chuke hein aur digital marketing ko sikhna aur karna chate hein to uske liye aapko do cheezon ka karna bhut jaruri he :

  1. Learning (Sikhiye)
  2. Practice(Dohraiye)

Jesa ki aap sab jante hein kisi bhi cheez ko baar practice karne se vo aapke dimage mein beth jaati he aur fir dimag apne aap uske baare mein aapko naye suggestions dene lagta hai.

Agar aap hindi mein Digital Marketing Padhna chate hein to isi blog ko subscribe kare ya bookmarke bna le kyunki mein yhaan aapko video ke through bhi samjhaunga.

Agar aap english mein digital marketing padhna chate hein to yhaan click karein aur subscribe karein latest digital marketing tips and tricks ke liye.

Aap mujhe facebook aur twitter par bhi follow kar sakte hein ya fir mera youtube channel subscribe kar sakte hein.

One Reply to “Digital Marketing Kya Hai?”

Leave a Reply