Sitemap Kya Hota Hai? Sitemap Kyun Use Karte Hein? – SEO Tricks & Tips

Ek sitemap aapke website ke pages ki listing hoti he jiska istemal (Use) search engine ke crawler website ko crawl karne mein karte hein. Ye sitemap aap is tarah se samajh sakte hein jaise koi architect ghar bnane ke liye pehle naksha bnata hai aur us nakshe ka istemal karke ghar ko tarike se bnaya aur chamkaya ja sakta hai.

Usi tarah se designers website ki planning karte hue website ka sitemap bnate hein jo ki user aur web crawler dono ke liye hota hai. Is sitemap ko do tarike se bnaya ja sakta he , ek vertically aur ek horizinatlly, Isse web crawlers ya search engine spiders ko aapki website ko crawl karne mein aur crawl karke  aapke website data uthake index karane mein assani hoti hai.

Agar aapki website ko search engine crawler assani se crawl kar payenge to utni hi assani aapko apni website ko google jaise search engine mein rank karane mein hogi.

 

SiteMap Kaise Kaam Karta Hai?

 

Isko smajhne ki liye aapko samjhna hoga ki jaise aap kisi anjan jagha par jane ke lye rasta poochte hein aur koi aapki madad karke aapko sahi rasta bta deta he, usi tarah se website par site map ek listing ki tarah hota hai jisme aapke website ke sare links hote hein, jiske dwara web crawler aapki website ko crawl karte hein.

Sitemap ke lage hone se google jaise search engine ke crawlers badi assani se aur bahut hi ache tarike se website ko crawl kar pate hein.

Sitemap Aapki Website Ke Liye Kyun Important Hote Hein?

XML wale sitemap (Sitemap.xml) SEO ke liye bhut important hote hein kyunki vo google jaise search engine ko aapke website ke pages ko dhoond (Find) kar ke search engine mein rank karne mein help karte hein.

Kyunki google crawlers ka kaam sirf aapki website ko crawl karke rakhna hi nahi hota he balki unko search engine mein ranka karane ka bhi hota hai.

Sitemap.xml aapki website mein hone par aapko SEO mein kaafi fayda deta hai aur uska koi nuksaan nahi hota hai.

Mujhe aisa lagta hai ki har website owner ko sitemap.xml rakhna chaiye aur Google ki webmaster guidelines bhi iska support karti hein.

 

Sitemap Kitne Type Ke Hote Hein?

 

Vaise to sitemap  6 Type ke hote hein par jyadatar 2 tarah ke sitemap use kiye jate hein.

  1. Sitemap.xml
  2. Sitemap.html

Baaki aur 4 tarike ke sitemap hote hein:

  • Image Sitemap
  • Video Sitemap
  • News Sitemap
  • Mobile Sitemap

HTML Sitemap aur XML Sitemap Mein Kya Difference Hota Hai?

 

XML Sitemap search engines ke liye use kiya jaata hai, jabki HTML sitemap users ke liye use kiya jata hai.

XML sitemap website ke piche kaam karta hai aur HTML wala sitemap aap apne user ko dikha sakte hein.

Ab aap ye janna chaa rahe honge ki, aapko inme se kya use karna chaiye? to iske liye mera yahi suggestion hai ki aapko XML wale sitemap par dhyan dena chaiye kyunki uski importance jyada hai aur ke kaafi fayde hein aur SEO karne mein aapki madad karta hai.

 

Sitemap (Sitemap.xml) Kaise Submit Karein?

 

XML Sitemap submit karne ke liye aapko niche diye gaye steps follow karne hein:

Step 1: Sabse pehle aap Google Search Console Par jakar apni website ka chayan (Selection) Karein.

Step2: Left hand par diye gaye menu mein Sitemap wale option par click karein.

Step3: Ek nayi window mein jakar, apni website ke aage sitemap.xml type kare. ( Kuch is tarike se – www.abc.com/sitemap.xml) | Note – iske alwa url ke aage kuch aur type na karein.

Step4: Step 3 wale url ko copy karein aur wapas google search console ke sitemap wale option mein jakar paste kardein aur submitt button par click karde.

is tarike se aapki website XML sitemap google search console mein submit ho jayega aur google ke crawlers ko aapki website crawl karne mein assani hogi.

 

XML Sitemap Kaise Generate Karein?

 

XML sitemap generate ka bada hi assan tarika hai, Sitemap.xml file generate karne ke liye aap Niche diye gaye link par click karein:

Step 1: XML Sitempa Generator – https://www.xml-sitemaps.com/

Step 2: Iske baad vhaan jakar text box mein apna website ka URL enter karke START button par click karein.

Aur aapki website ka sitemap.xml generate ho jayega, jise aapko apne website ke root folder mein upload karke, sitemap ke URL ko google mein submit karna hoga ( Sitemap submit karne ke tarika isi blog mein upar btaya jaa chuka hai)

Conclusion:

Sitemaps aapki website ko search engine mein rank karane ke liye bhut hi jaruri hai aur iska istemal aapko jaroor karna chaiye. Jaisa ki meine btaya 2 tarike ke sitemap jyada use kiye jaate hein, par aap keval XML wala sitemap use karke hi apni website ko rank kara sakte hein kyunki sitemap.xml ke lagne se web/search engine crawlers ko aapki website crawl karne mein assani hoti hai.

 

One Reply to “Sitemap Kya Hota Hai? Sitemap Kyun Use Karte Hein? – SEO Tricks & Tips”

Leave a Reply